ՀՅՈՒՐԱՆՈՑՆԵՐ

SD հյուրանոցը գտնվում է Երեւանի Սասունցի Դավիթ երկաթուղային կայարանից 300 մետր հեռավորության վրա: SD հյուրանոցից դեպի Հանրապետության հրապարակ 3 կմ է. Զվարթնոց օդանավակայան կհասնենք ընդամենը 17 րոպեի ընթացքում: Հյուրանոցն ունի 15 համարներ, Յուրաքանչյուր սենյակ ունի դասական եւ անհատական ոճ,ինտերիերի եւ մինի բար: Տեղական խմիչքներ եւ նախուտեստներ, որոնք առաջարկվում են SD-ի բարում եւ կա նաեւ մի ընդհանուր խոհանոց է միկրոալիքային վառարան:

«Ալեքսանդրապոլ» հյուրանոցը գտնվում է Գյումրի քաղաքի պատմական թաղամասում, որտեղ դեռևս իշխում է հին քաղաքի մթնոլորտը: Հյուրանոցի նրբաճաշակ և շքեղ ինտերիերը կգոհացնի անգամ ամենապահանջկոտ հյուրերին: Կան տարբեր կարգի համարներ` նախատեսված գործնական և հանգստի նպատակով Գյումրի այցելած զբոսաշրջիկների համար: Արվեստի սիրահարներին կգրավի հյուրանոցի` արվեստի յուրօրինակ հավաքածուն:

Վայոց Ձորի մարզի գեղատեսիլ Վայք քաղաքի բարձրադիր կետում է գտնվում Ամրոց հյուրանոցը: Հյուրանոցը գտնվում է զբոսաշրջային երթուղիների խաչմերուկում` Երևանից 130 կմ հեռավորությամբ` Տաթև-Գորիս-Ջերմուկ-Արցախ տանող ճանապարհին: Այն իր հյուրերին առաջարկում է լիարժեք հանգիստ 50 անձի համար նախատեսված 21 հարմարավետ հյուրանոցային համարներում: Հյուրանոցում գործող ավանդական ռեստորանը տեղացի և օտարերկրյա հյուրերին առաջարկում է վայոցձորյան և հայկական խոհանոցի զարմանահրաշ և անուշահամ ճաշատեսակներ, իսկ բարում հնարավորություն է ընձեռվում ալկոհոլային և ոչ ալկոհոլային խմիչքների ուղեկցությամբ վայելելու ամբողջական հանգիստ:

"Անի Պլազա" հյուրանոցին պետության կողմից շնորհվել է 4 աստղանի հյուրանոցի կարգ: "Անի Պլազա" հյուրանոցը գտնվում է Երևանի բիզնես և ժամանցային կենտրոնում: Հյուրանոցն ունի էկոնոմ, բիզնես և լյուքս կարգի 239 սենյակ, ինչպես նաև սենյակներ չծխողների համար: Շատ սենյակներից բացվում է հիանալի տեսարան դեպի Երևան քաղաքը և Բիբլիական Արարատ լեռը:

Անի հյուրանոցը Ջերմուկ առողջարանային քաղաքում գտնվող նորակառույց հյուրանոց-ռեստորան է: Հյուրանոցի 4 հարկերում տեղաբաշխված են 11 համար: Ընդունարանն ու ռեստորանը գտնվում են առաջին հարկում: Հյուրանոցն ունի նաև առանձին կաթսայատուն` հյուրանոցի ջեռուցումն ապահովելու համար: Սենյակներում տեղադրված են սառնարաններ, LCD հեռուստացույցներ, իսկ լոգարաններում` լոգախցիկներ և անհրաժեշտ պարագաներ: Ջերմուկը հանքային ջրերով հարուստ կուրորտային քաղաք է: Գտնվում է Երևանից 175 կմ հեռավորության վրա, ծովի մակերևույթից 2080 մ բարձրության վրա: Ջերմուկը Հայաստանի էկոլոգիապես մաքուր վայրերից է: Կուրորտի հիմնական բուժիչ գործոններից են հիպոթերմիկ հանքային ջրերը: Ամռանն օդի միջին ջերմաստիճանը՝ +20˚C …+23˚C, ձմռանը` -7˚C: Կուրորտի կլիման բարձր լեռնային է:

«Անի» ռեզորթ հյուրանոցային համալիրը գտնվում է Երևանից 55 կմ հեռավորության վրա` Հանքավանի գեղատեսիլ անտառների գրկում: Այս տարածքի բնությունը վաղուց հայտնի է իր կենարար և բուժիչ հատկություններով, ինչի մասին են վկայում տարբեր տարիներին կառուցված առողջարանները: Լեռնային թարմ, մաքուր օդը և Դալար գետի կարկաչը, շրջակա կանաչապատ սարերն ու սպիտակ սոճիների պուրակը, հարմարավետ սենյակներն ու հյուրանոցային լավագույն պայմանները կնպաստեն Ձեր կատարյալ լիցքաթափմանն ու հանգստին: Հյուրանոցին կից գործում է կաթսայատուն, թոնրատուն, լվացքատուն: Կարևորելով ընտանեկան հանգիստը` «Անի» հյուրանոցային համալիրն ապահովել է բոլոր պայմանները, որպեսզի ընտանյոք հանգիստն անցնի խաղաղ և ջերմ մթնոլորտում:

Հյուրանոցի տեղադիրքը հարմար է ինչպես բիզնես, այնպես էլ զբոսաշրջության նպատակով այցելողների համար: Հյուրանոցը մի քանի հարյուր մետր շառավղով շրջապատված է պետական և մշակութային հայտնի կառույցներով. Հանրապետության հրապարակ, Արտաքին գործերի նախարարություն, ՀՀ Կառավարության շենք, Կենտրոնական բանկ, Պատմության թանգարանը, Ազգային պատկերասրահ, Վերնիսաժ, ինչպես նաև Հանրապետության հրապարակ մետրոյի կայարանը: Օդանավակայանից մինչև հյուրանոց մեքենայով հնարավոր է հասնել 15 րոպեում:

Արփա հյուրանոցը սիրով կհյուրընկալի բոլոր նրանց, ովքեր ցանկանում են ծանոթանալ և զմայլվել Հայաստանի հարավային տարածքով և Վայոց Ձորի մարզով: Հյուրանոցը նորակառույց է, սկսել է գործել 2010 թվականից: Հյուրանոցի շենքը եվրոպական և հայկական ճարտարապետական ոճերի համադրության հրաշալի օրինակ է:

Բասս Բութիք հյուրանոցը տեղակայված է ներկայանալի Այգեձոր թաղամասում: Այն հեռու է գտնվում աշխույժ երթևեկությունից և նայում է դեպի Արարատ լեռը: Կպահանջվի ընդամենը 20 րոպե օդանավակայան հասնելու համար: Ոչ հեռու գտնվում են մետրոյի կայարանը և հիմնական միջազգային դեսպանատները, Բրիտանական խորհուրդը, Գիտությունների ազգային ակադեմիան, Նախագահական նստավայրը, Գրողների միությունը, Ամերիկյան համալսարանը:

Այս հյուրանոցը մյուս հյուրանոցներից առանձնանում է իր պատկերասրահով: Տեղի արվեստագետների նկարներն ու քանդակները հյուրերին հնարավորություն են տալիս ծանոթանալ հայ ժամանակակից արվեստի հետ: "Բեռլին" հյուրանոցը գտնվում է Գյումրու հին կենտրոնում` հին շուկայի, ռեստորանների, թանգարանների և հնագույն եկեղեցիների կողքին: