ՀՅՈՒՐԱՆՈՑՆԵՐ

Էլեգանտ հյուրանոցը գտնվում է Ծաղկաձորի հեքիաթային բնության գողտրիկ անկյունում: Հյուրանոցը գտնվում է կուրորտի լավագույն հատվածում:Հյուրանոցն իդեալական կերպով հարմարեցված է ինչպես ընտանեկան հանգստի, այնպես էլ ընկերների հետ հանգստանալու համար. հյուրանոցի տարածքում տեղակայված են 7 առանձին քոթեջներ, իսկ ինքնին հյուրանոցում առկա են 44 տարբեր կատեգորիաների համարներ (Ստանդարտ, Երկտեղանոց, Կլասիկ, Դելյուքս և Լյուքս) Հյուրանոցում առկա է մեծ լողավազան՝ ջրվեժով, մարզասրահ, թուրքական և ֆիննական շոգեբաղնիքներ, բիլիարդ սրահ, կալյան բար և ռեստորան. ուստի, եթե Ձեր հանգստի ընթացքում լինեն անձրևոտ կամ ցուրտ օրեր, Դուք չեք ձանձրանա:

Ծաղկահովիտ հյուրանոցային համալիրի շրջակայքն ունի անվանը համապատասխան բնություն, և տարվա ցանկացած եղանակին գեղեցիկ է յուրովի: Հյուրանոցի շրջակայքը գարնանը հիրավի վերածվում է ծաղիկների հովտի՝ ծաղկահովիտի, որտեղ գարնանային գունագեղ ծաղիկները, հազվադեպ հանդիպող բույսերն ու դեղաբույսերը, հարևանությամբ հոսող Տանձաղբյուրի քաղցրահնչյուն ձայնը ավետում են բնության զարթոնքը: Այս հյուրանոցային համալիրն այն մարդկանց համար է, ովքեր ցանկանում են ստեղծագործել կամ իրենց հանգիստն անցկացնել բնության գրկում և միաժամանակ լինել հարմարավետ ու գեղեցիկ միջավայրում:

«Ծաղկատուն» բուտիկ հյուրանոցի նշանաբանն է` եվրոպական հարմարավետություն և կովկասյան հյուրընկալություն: «Ծաղկատունը» իր հյուրընկալ դռները բացել է 2010 թ-ի մարտի 25-ին: Հարմարավետ սենյակները, նրբահամ խոհանոցը, կարաոկեն, բիլյարդը, սենյակների շուրջօրյա սպասարկումը, քիմմաքրումը, սպորտային սարքավորումների վարձակալումը, ճոպանուղուն մոտ գտնվելը, անշուշտ հյուրանոցի առավելություններն են: «Ծաղկատուն» հյուրանոցային համալիրն ունի 12 հարմարավետ Լյուքս դասի համարներ:

«Ծովասար Սևան» ընտանեկան հանգստի համալիրը գտնվում է Սևանա լճի ափին, Սևան - Գավառ ճանապարի 7-րդ կիլոմետրի վրա: «Ծովասար» ընտանեկան հանգստի համալիրը հարմարավետ և անկաշկանդ միջավայր է, որտեղ ցանկացած ընտանիքի համար ստեղծված են լիարժեք հանգիստ կազմակերպելու բոլոր անհրաժեշտ պայմանները: Իսկ հանգստի վայելքը կկրկնապատկեն պատշգամբներից դեպի Սևանա լիճ և դիմացի ափում գտնվող թերակղզին բացվող հրաշալի տեսարանը:

Մարիոթ Ծաղկաձոր հյուրանոցը շքեղություն է հաղորդում այս առողջարանային քաղաքին: Անկախ նրանից, թե Դուք այստեղ եք հանգստանալու, ընտանեկան հավաքույթի, թե պարզապես հետաքրքրության համար, Ծաղկաձոր Մարիոթ հյուրանոցում Դուք կգտնեք այն ամենը, ինչ Ձեզ հարկավոր է: Ծաղկաձոր Մարրիոթ հյուրանոցը, գտնվելով լեռնային շրջանում և հագեցած լինելով բոլոր ժամանակակից հարմարություններով, շատ մոտ է լեռնադահուկային սպորտի համար նախատեսված սարալանջին: Ծաղկաձոր Մարիոթ հյուրանոցում կարող եք օգտվել փակ շքեղ լողավազանից, մարզասրահից, տարբեր միջոցառումների համար տախատեսված սրահներից, ռեստորանից ու 5 բարից:

Հյուրանոց Միրհավն գտնվում է քաղաքի տեսարժան վայրերին մոտ: Հյուրանոցն իր հյուրերին առաջարկում է լավ կահավորված համարներ, շուրջորյա ամրագրման բաժին:

"Մուլտի Ռեստ Հաուս" հյուրանոցային համալիրը շրջապատված է ծաղկաձորյան խիտ անտառներով: Հեռավորությունը ճոպանուղուց 1 կմ է: Հյուրանոցում կարելի է հանգստանալ տարվա ցանկացած եղանակին: Հյուրանոցն առաջարկում է ժամանցային և սպորտային ծառայությունների լայն ընտրանի` լողավազան, մինի ֆուտբոլի դաշտ, բասկետբոլ, կինոդահլիճ և այլն: Տեխնիկապես հագեցած դահլիճը լիովին համապատասխանում է գործարար միջոցառումների անցկացման համար անհրաժեշտ պահանջներին: Ընտանեկան հանգիստ նախընտրողները նույնպես առավելագույնս գոհ կմնան, քանի որ բացի հյուրանոցային համարներից կան հարմարավետ երկհարկանի և եռահարկ քոթեջներ, ինչպես նաև ընտանեկան ապարտամենտներ: Ստեղծված են պայմաններ նաև երեխաների հանգիստը լիարժեք կազմակերպելու համար` մանկական խաղահրապարակ, մինի ակումբ և այլն: Կազմակերպվում է անվճար տրասնֆեր դեպի ճոպանուղի:

Նանե հյուրանոցային համալիրը գտնվում է Հայաստանի Երկրորդ մայրաքաղաքի՝ Գյումրիի կենտրոնական պողոտաներից մեկում: Հյուրանոցի տեղադիրքը իդեալական է բոլոր այն զբոսաշրջիկների համար, ովքեր ցանկանում են բացահայտել Գյումրին՝ իր ամբողջ հմայքով և մշակույթով: Նանէ հյուրանոցից ընդամենը մի քանի քայլ հեռավորության վրա են գտնվում քաղաքի բազմաթիվ թանգարանները, եկեղեցիները, պատկերասրահները, բիզնես կենտրոնները, ժամանցային և տեսարժան այլ վայրերը:

Noy Land հյուրանոցը գտնվում է Սևանա լճի ափին: Հյուրանոցն առաջարկում է բաց լողավազան և սաունա, ռեստորան և պարագաներ խորոված պատրաստելու համար, ինչպես նաև անվճար ավտոկայանատեղի:

Վանատուր հյուրանոցային համալիրը գտնվում է Հայաստանի Երկրորդ մայրաքաղաքի՝ Գյումրիի կենտրոնական պողոտաներից մեկում: Ընկերասեր և բազմաթիվ լեզուներին տիրապետող անձնակազմը տրամադրում է բարձրակարգ ծառայություններ: Հարմարավետ սենյակներն ապահովված են գեղեցիկ կահույքով, հեռուստացույցով, սառնարանով, տեղային եւ միջազգային հեռախոսակապով, վարսահարդարիչով, հյուրերի հանգստի համար անհրաժեշտ բոլոր պարագաներով: